Помнік князю, які браў аблогай Маскву, усталявалі ў Віцебску

На Рынкавай плошчы Віцебска ўсталяваны помнік князю Альгерду.

Пра тое, як прайшла ўстаноўка, піша мясцовае выданне «Народныя навіны Віцебска».

Помнік быў створаны менскім скульптарам Сяргеем Бандарэнкам. Устаноўка пачалася раніцай і доўжылася цэлы дзень.

Дзве часткі скульптуры везлі ў розных аўтамабілях. На месцы ўстаноўкі іх спачатку выгрузілі, а потым князя пасадзілі на каня і замацавалі. Асобнымі часткамі былі таксама меч і лейцы – іх прымацоўвалі апошнімі.

Пляцоўку наведаў старшыня Віцебскага аблвыканкама Аляксандр Косінец. Агледзеўшы помнік, ён заявіў, што гэта лепшая скульптура ў Беларусі.

Урачыстае адкрыццё помніка адбудзецца 27 чэрвеня а 15:00 падчас святкавання 1040-годдзя Віцебска.

Сын Гедыміна, князь Віцебскі (1320 – 1345) і вялікі князь літоўскі (1345 – 1377) Альгерд падчас свайго кіравання больш чым удвая павялічыў тэрыторыю ВКЛ, паспяхова ваяваў з тэўтонцамі, татарамі, некалькі разоў хадзіў у паходы на Маскву і браў аблогай будучую сталіцу Расеі.



Categories: Аб'явы, Асобы, Асьвета, Гісторыя, Культура, Нацыя Беларусы

Пакінуць адказ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Змяніць )

Google+ photo

You are commenting using your Google+ account. Log Out /  Змяніць )

Twitter picture

You are commenting using your Twitter account. Log Out /  Змяніць )

Facebook photo

You are commenting using your Facebook account. Log Out /  Змяніць )

Connecting to %s

%d bloggers like this: