Этнацыд беларусаў: Адзначаць 500-годдзе Аршанскай перамогі войскаў ВКЛ над Масковіяй у Беларусі забаронена

“Хартыя 97”, 2 верасьня 2014 г.

Украіна шырока адзначыць 500-годдзе перамогі пад Оршай

Украіна шырока адзначыць 500-годдзе перамогі пад Оршай

Удзел у святкаванні возьмуць і беларусы.

Дэлегацыя Партыі БНФ на чале з намеснікам старшыні Ігарам Ляльковым паводле запрашэння ўкраінскіх партнёраў возьме ўдзел ва ўрачыстых мерапрыемствах, якія пройдуць у суседняй краіне. Пра гэта сайту charter97.org паведамілі ў прэс-службе партыі.

Кульмінацыяй урачыстасцяў будуць мерапрыемствы 6-8 верасня ў пяці гарадах Украіны, у якіх жыў род Астрожскіх, – Роўна, Астрогу, Дубне, Стараканстанцінаве і Наваград-Валынскім.

«Праграма святкавання вельмі насычаная: афіцыйныя мерапрыемствы з удзелам дзяржаўных асобаў, культурныя і гістарычныя прадстаўленні, канцэрты, усталяванне памятных знакаў, дыскусіі палітыкаў і гісторыкаў, – адзначыў Лялькоў. – Перамога пад Оршай надоўга спыніла прасоўванне маскоўскай агрэсіі на тэрыторыі нашых краін. Але і цяпер, праз 500 гадоў, стары вораг зноў падымае галаву. Значэнне святкавання слаўнай перамогі ў сапраўднай Украіне ўзрастае ў святле той агрэсіі, якую ўчыняе Масква цяпер на Данбасе і ў Луганску».

Са слоў Лялькова, выклікае шкадаванне, што ўлады сучаснай Беларусі «не бяруць з суседзяў прыклад годнага святкавання важнай гістарычнай даты». «Партыя БНФ разглядае як ганебную забарону Аршанскім райвыканкамам святочных мерапрыемстваў і канцэрта з нагоды юбілею», – сказаў Лялькоў.

Нагадаем, улады забаранілі святкаванне 500-годдзя перамогі пад Оршай. У сапраўдны час аргкамітэт разглядае іншыя магчымасці адзначыць гадавіну перамогі войскаў ВКЛ.



Categories: Аб'явы, Асьвета, Гісторыя, Зьнешнія адносіны, Мараль, Этнацыд беларусаў

Пакінуць адказ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Змяніць )

Twitter picture

You are commenting using your Twitter account. Log Out / Змяніць )

Facebook photo

You are commenting using your Facebook account. Log Out / Змяніць )

Google+ photo

You are commenting using your Google+ account. Log Out / Змяніць )

Connecting to %s

%d bloggers like this: