Архіяпіскап Сьвятаслаў Логін: Напоўнім свае сэрцы любоўю да блізкіх, да Бацькаўшчыны, да мовы

ФОТА: RACYJA.COM

Велікодны зварот да вернікаў кіраўніка Беларускай Аўтакефальнай праваслаўнай царквы архіяпіскапа Сьвятаслава Логіна з Таронта.

Велікодны зварот апублікавала «Радыё Свабода».

Годнаму сьвятарству й вернікам Беларускае Аўтакефальнае Праваслаўнае Царквы, якія жывуць на Бацькаўшчыне й на чужыне.

«… сёньня анёлы зь людзьмі радуюцца і людзі ў Богу прасьвятляюцца, прымаючы Сьвяты Дух.» (сьв. Кірыла Тураўскі «Казаньне на сьвятую Пасху»)

Дарагія браты й сёстры!

ХРЫСТОС УВАСКРОС!

Штогод мы так віншуем адзін аднаго з найвялікшым хрысьціянскім сьвятам — Уваскрасеньнем Хрыстовым! Сын Божы прыняў цела чалавека й быў укрыжаваны і ўваскрос, каб перамагчы сьмерць. Вера ў васкрослага Хрыста дала людзям патрэбу знайсьці Боскую ісьціну, якая робіць іх духоўна вольнымі й шчасьлівымі.

Гэтая падзея, якая адбылася амаль дзьве тысячы гадоў таму, паяднала чалавека з Богам і дала нам надзею на вечнае жыцьцё нашае душы. Без любові, якую прынёс Хрыстос, немагчыма пераадолець свае грахі й быць у яднаньні з Госпадам, бо Дабравесьце вучыць нас: «Па тым пазнаюць усе, што Вы мае вучні, калі будзеце мець любоў паміж сабою». (Ян. 13:35). Таму той, хто прыняў Хрыста да свайго сэрца, той мае любоў да Бога і да блізкага.

Зычу ўсім суайчыньнікам, якія жывуць у Беларусі й на чужыне, у гэтыя сьвяточныя дні напоўніць свае сэрцы любоўю да сваіх блізкіх, да свае Бацькаўшчыны, да свае мовы, да Беларускае Царквы, да ўсяго духоўнага скарбу, які захавалі й перадалі нам нашы дзяды.

Молімся таксама за ўсіх хрысьціянаў, каб кожны народ мог славіць Бога ў сваёй Царкве, у сваіх традыцыях і абрадах, на сваёй роднай мове.

Ласка ўваскрослага Госпада нашага Ісуса Хрыста, любоў Бога Айца й супольнасьць Сьвятога Духа няхай будуць з усімі вамі!

Сапраўды Хрыстос Уваскрос!

Зь любасьцю й малітвамі, + Сьвятаслаў Логін, Архіяпіскап БАПЦ Вялікдзень, 2016 л.Б.



Categories: Аб'явы, Рэлігія

Пакінуць адказ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Змяніць )

Twitter picture

You are commenting using your Twitter account. Log Out / Змяніць )

Facebook photo

You are commenting using your Facebook account. Log Out / Змяніць )

Google+ photo

You are commenting using your Google+ account. Log Out / Змяніць )

Connecting to %s

%d bloggers like this: