Арцём Гарбацэвіч: Дэкан факультэта філасофіі БДУ браў удзел у святкаванні «Дня народзінаў» чарнасоценскага сайта

“Наша Ніва”, 23 верасня 2016 года

Вядучы праграмы АНТ «Справа прынцыпу» і адначасова дэкан факультэта філасофіі і сацыяльных навук Беларускага дзяржаўнага ўніверсітэта Вадзім Гігін фігуруе на фотаздымках са святкавання ўгодкаў рэсурсу «Імхаклаб».

Гэты чарнасоценскі рэсурс арыентаваны на беларускую аўдыторыю.

Здымкі апублікаваў у адкрытым доступе адзін з удзельнікаў святкавання.

Вадзім Гігін сёмы злева.

За сталом, у кампаніі з Гігіным, сядзяць выкладчык БДПУ імя Танка Валянцін Старычонак, палітолаг Пятро Пятроўскі, Аляксей Дзермант (рэдактар сайта) ды іншыя праваднікі ідэй «рускага свету» у Беларусі. Яны, дарэчы, самыя частыя госці на праграме Гігіна.

Частка з іх у мінулым была вядомая як радыкальныя прыхільнікі беларускай незалежнасці, нават як актывісты «балтакрыўскіх» ініцыятыў, але з часам яны перайшлі ў расійскія праекты з няясным, але шчодрым фінансаваннем.

Таксама за сталом былі госці з чарнасоценскіх структур з Расіі і Латвіі.

«Я не буду гэта каментаваць», — так адказаў Вадзім Гігін на пытанне «Нашай Нівы», чаму ён удзельнічаў у гэтай бяседзе.

Сябры «Імхаклаба» рэгулярна бяруць удзел у расійскіх семінарах, арганізатары якіх раней навучалі цяперашніх ідэолагаў г.зв. «ДНР» і «ЛНР».

Кіраўнік і заснавальнік «Імхаклаба» — жыхар Латвіі Юрый Аляксееў, які змагаецца за правы рускіх у Латвіі. Юрый Аляксееў піша, у тым ліку, на «Рэгнум» — расійскі радыкальна-чарнасоценскі рэсурс, які агульна крытыкуе і Аляксандра Лукашэнку, і беларускую апазіцыю.

Сярод каментаў на старонцы Аляксеева ў фэйсбуку можна знайсці «хутка будзем вызваляць Рыгу і Нарву». 



Categories: Мараль

Пакінуць адказ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Змяніць )

Twitter picture

You are commenting using your Twitter account. Log Out / Змяніць )

Facebook photo

You are commenting using your Facebook account. Log Out / Змяніць )

Google+ photo

You are commenting using your Google+ account. Log Out / Змяніць )

Connecting to %s

%d bloggers like this: