Канферэнцыя “Беларуская нацыя вачыма дыяспары і суайчыннікаў”, 12 лістапада 2022 года

 (webzine “Kultura.Natsyja”, issue 30, November 2022, 439-440, www.sakavik.net

12 лістапада 2022 года прайшла канферэнцыя “Беларуская нацыя вачыма дыяспары і суайчыннікаў”. Канферэнцыя была арганізавана Беларускім інстытутам навукі і мастацтва (Канада) і вэб-часопісам “Культура. Нацыя”, і праходзіла ў віртуальным фармаце. Яна была прымеркавана да 55-годдзя інстытута і 10-годдзя часопіса. На двух секцыях канферэнцыі і падчас круглага стала разглядаліся пытанні нацыянальнай свядомасці, гісторыі і культуры беларусаў на радзіме і ў замежжы ў сучасны перыяд. На канферэнцыі выступілі даследчыкі з шасці краін, у праграму было ўключана 15 дакладаў. Матэрыялы канферэнцыі апублікаваны ў гэтым нумары часопіса.  Падчас дыскуіі на круглым стале былі напрацаваны рэкамендацыі, якія вырашана накіраваць Нацыянальнаму лідару – Святлане Ціханоўскай. У прыватнасці: сумленным беларусам – працягваць працаваць у беларускіх справах – кожнаму на сваім месцы;   лічыць неабходным на ўсіх урачыстых мерапрыемствах выконваць дзяржаўны гімн – “Мы выйдзем шчыльнымі радамі”; накіраваць высілкі на ўзмацненьне кантактаў паміж дзецьмі замежжа і дзецьмі на радзіме; арганізоўваць у беларускіх суполках таварыствы па пашэрэньню ўжываньня і веданьня роднай мовы (ТБМ); і інш.                                                                                                                                      

Усю канферэнцыю можна прагледзець на Youtube  https://youtube.com/@binimcanada

Categories: Асьвета, Культура, Нацыя Беларусы, Нацыя прачынаецца, Праект "РАЗАМ"