Слова рэдактара

Пётра Мурзёнак: ЧТО ДЕЛАТЬ? або ШТО РАБІЦЬ?

Гэтыя матэрыялы былі дасланы на канферэнцыю дэмакратычных сіл “Новая Беларусь”, скліканай сп. С. Ціханоўскай (8-9 жніўня 2022 года, Вільнюс); змешчаны як прапановы для канферэнцыі на сайце www.sakavik.net ад 8 жніўня 2022 года.

(webzine “Kultura. Natsyja”, issue 30, November 2022, 6-13, http://www.sakavik.net)

Анатацыя. Напісаньне гэтага артыкула было звязана з правядзеннем канферэнцыі “Новая Беларусь”, арганізаванай камандай Святланы Ціханоўскай у Вільні, 8-9 жніўня 2022 года. Назва артыкула выбрана ў гонар і ў знак салідарнасці з праф. Уладзімірам Міцкевічам. У артыкуле абмяркоўваюцца два пытанні, вынесеныя на канферэнцыю: “Якімі павінны быць стратэгічныя прыярытэты нашай працы?” і “Як рэарганізаваць дэмакратычныя сілы?”  Прапанавана:а) выказаць падзяку і падтрымку сп. С. Ціханоўскай і прасіць яе працягваць сваю дзейнасць у якасьці Нацыянальнага лідэра ў далейшым; б) правесьці структурную рэарганізацыю нацыянальна-сьвядомых сіл (абнаўленьне Прэзідыума Каардынацыйнага савета праз дэмакратычную працэдуру абраньня; правядзеньне паседжаньняў Прэзідыума ў пашыраным складзе; далучэньне пад крыло Нацыянальнага лідэра і Прзідыума іншых структур, рухаў, фондаў, якія працуюць паралельна на беларускую справу); в) стварэньне пры Прэзідыуме дарадчага органа, з прадстаўнікоў арганізаваных беларускіх груп, г) стварэньне агульнага сеціва нацыянальна-свядомых сіл;  д) утварыць рэдакцыйную калегію для стварэньня “Стратэгіі развіцьця беларускай нацыі”. Прыняць да ведама, што рэалізацыя гэтай Стратэгіі разлічана на бліжэйшыя два дзесяцігоддзі ў незалежнасці ад магчымых змен унутранага ці знешняга характару (рэвалюцыя, дзяржаўны пераварот, агрэсія ці іншае); ж) прыняць “Кодэкс гонару” і прытрымлівацца яго ў сваіх узаемаадносінах у беларускім грамадстве.

Categories: Гісторыя, Зьнешнія адносіны, Мараль, Нацыя Беларусы, Нацыя прачынаецца, Праект "РАЗАМ"