Усё сваё жыццё ён прысвяціў барацьбе за свабодную Беларусь.

Выйшаў фільм пра гераічнага беларуса Міраслава Лазоўскага, байца палка Каліноўскага, які загінуў пад Бахмутам.

Рэжысёркай фільма «Міраслаў Лазоўскі – лёс героя» выступіла Вольга Воранава. Пра беларускага героя расказалі яго былая жонка Ніна Шыдлоўская, сябры і пабрацімы.

У апісанні фільма расказваецца, што ўсё сваё жыццё Міраслаў Лазоўскі рабіў усё магчымае на карысць сваёй Радзімы, за што яго бязлітасна пераследавалі беларускія ўлады. У 2000 годзе Міраслаў быў першым асуджаны паводле артыкула 167.10 КоАП Беларусі.

У 2008-м затрыманы паводле падазрэння ў датычнасці да выбуху ў Дзень незалежнасці 4 ліпеня. У 2017-м затрыманы ў сувязі са «справай патрыётаў».

Пасля пратэстаў 2020 года беларус з’ехаў ва Украіну. На трэці дзень расейскага поўнамаштабнага ўварвання ён накіраваўся абараняць Украіну ў якасці добраахвотніка. 16 траўня 2023 года Лазоўскі загінуў у Бахмуце, прыкрываючы параненых.

Categories: Асобы, Мараль, Нацыя Беларусы