Галоўны дарадца Святланы Ціханоўскай Франак Вячорка ў эфіры «Радыё Свабода» пракаментаваў сённяшняе вызваленне 25‑ці беларускіх палітвязняў.

«Джон Коўл зрабіў, як звычайна, выдатную працу. Не тая лічба, якая анансавалася, але, я думаю, гэта яшчэ не канец. Сам Джон Коўл тлумачыў, што ёсць пэўныя ўмовы з боку Менска, каб вызваліць людзей. І найбліжэйшыя дні, тыдні стане ясна больш.

Магчыма, гэта звязана з умовамі Лукашэнкі пра разблакаванне фінансавых сродкаў, актываў. Можа быць звязана зь некаторымі санкцыйнымі прадпрыемствамі. Ясна, што Лукашэнка заўжды хоча пакінуць за сабой апошняе слова — памяняць спісы, не даць, што абяцаў. 

Амерыканская дэлегацыя ехала з пэўнымі чаканнямі і дамоўленасцямі. Гэты працэс працягнецца. Працягваем быць на сувязі з амерыканцамі. Яны робяць гэта для нас. Яны вызваляюць нашых людзей. Тое, што гэта стала прыярытэтам амерыканскай адміністрацыі — заслуга і праваабаронцаў, і журналістаў, і дэмакратычных сілаў», — адзначыў Франак Вячорка.

Categories: Мараль, Нацыя прачынаецца, Этнацыд беларусаў