Дарагія сябры!

На экране Вашага кампутара першы нумар часопіса «САКАВІК». Вядома, гэта хвалюючы момант для тых, хто ўдзельнічаў у яго падрыхтоўцы. Часопіс плануецца як перыядычнае электроннае выданьне, прысвечанае абмеркаваньню культуралагічных праблем, звязаных з жыцьцём беларускай нацыі. Вы можаце сказаць, што існуе ўжо шмат выданьняў, прысьвечаных гэтай тэме, але ці можа быць чагосьці замнога ў адносінах да  беларускай гісторіі і культуры, якімі сёньня цікавіцца ўсё больш людзей.

Хацелася б, каб  часопіс стаў яшчэ адной платформай для абмеркаваньня сучасных праблем беларускай культуры як прадстаўнікамі беларускай нацыі, так і ўсімі зацікаўленымі асобамі. У часопісе плануецца зьмяшчаць аналітычныя артыкулы і эсэ па гісторыі, культуры, літаратуры, сацыялогіі, традыцыях і іншых пытаньнях, якія маюць дачыненьне да беларускай нацыі і яе развіцьця. 

Спадзяёмся, што часопіс выклікае ў Вас станоўчыя эмоцыі і жаданьне ўдзельнічаць у яго працы. Запрашаем аўтараў дасылаць свае матэрыялы.

Пётра Мурзёнак

Categories: Аб'явы